Owê, sumerwünne,
daz ich mich dîn ânen muoz!
der mir dîn enbünne,
dem enwerde nimmer buoz
herzenlîcher leide,
und der wolgetânen,
nâch der ie mîn herze ranc!
sol ich mich ir ânen,
daz ist under mînen danc.
swenne ich von ir scheide,
sô geschiet nie man unsanfter von deheinem wîbe.
bezzer wære mir der tôt,
danne ein seneclîchiu nôt
die lenge alsô belîbe.

(von Neidhart von Reuental; um 1190 - um 1246)